許留山 (已結業)

果日行开许留山见到佢有XO酱萝卜糕，突然之间好想食，就忍唔住行咗入去餐厅。餐厅光猛阔落，仲有好多同胞同你一齐食。店员做嘢快手，有礼貌。即弃胶餐具响每张枱个胶盒度，够方便但唔环保。XO酱萝卜糕($27)份量唔多，只可以当小食。XO酱够分量，所以偏咸。芒果冻饼($24)得𠮶五嚿真系少到喊。质地有啲似木糠蛋糕，只不过中间有一两粒芒果。唔算太甜，过下口瘾就算数。又唔可以叫难食，但50蚊一个下午茶，仲要冇嘢饮，下次我应该去茶餐厅算数。