影片
更多
2018-06-19
30 浏览
今日来到深水埗呢间火锅煮场，舖头细细但系都有个大鱼缸装满新鲜海鲜。我哋叫咗番茄海鲜煲做汤底，个锅开始滚已经闻到好香番茄味，好浓郁，之后服务员就拎咗碟海鲜，哗哗哗好丰富，有蟹，蚬，青口，虾，重要系大只架，好有诚意！差唔多好似我只手咁大嘅青口！等汤滚咗就将成碟海鲜倒落去，再冚返盖滚下佢。等紧汤滚嘅期间，服务员问我哋有无人呢个月生日，咁啱我个朋友就系咁个月生日，原来本月之星可以免费获得鱼生拼盘一碟！好嘢！汤滚啦，试下啖汤先， 好～甜～呀！食物开始嚟啦～打边炉最钟意饮竹蔗水，先叫一渣先～三式牛肉拼盘－安格斯牛小排，手切牛颈脊，牛展，好香牛味，脂肪同肉嘅比例刚刚好，一啲都唔韧，入口就有牛油香，有少少入口即溶嘅感觉。酥炸午餐肉，极品呀！！！！真系超正，外脆内软劲香口，虽然好邪恶，但系我哋好爱呢碟，汤未滚都清咗大半碟啦！（一定要试！）手打丸系火锅煮场嘅招牌，我哋叫咗手打墨鱼丸，虾丸同鲮鱼丸，食落都好弹牙，正！鲜虾水饺，真系有惊喜，因为每只水饺都有2只虾系入面，真材实料，大大只虾大大旧肉！竹笙都系招牌嚟架，好大条，一落落去就会吸晒啲汤，好好食，吸收晒汤嘅精华，浓郁嘅番茄味加上海鲜嘅鲜甜，无得输啊！！！
等紧汤滚嘅期间，服务员问我哋有无人呢个月生日，咁啱我个朋友就系咁个月生日，原来本月之星可以免费获得鱼生拼盘一碟！好嘢！
汤滚啦，试下啖汤先， 好～甜～呀！食物开始嚟啦～
打边炉最钟意饮竹蔗水，先叫一渣先～
三式牛肉拼盘－安格斯牛小排，手切牛颈脊，牛展，好香牛味，脂肪同肉嘅比例刚刚好，一啲都唔韧，入口就有牛油香，有少少入口即溶嘅感觉。
酥炸午餐肉，极品呀！！！！真系超正，外脆内软劲香口，虽然好邪恶，但系我哋好爱呢碟，汤未滚都清咗大半碟啦！（一定要试！）
手打丸系火锅煮场嘅招牌，我哋叫咗手打墨鱼丸，虾丸同鲮鱼丸，食落都好弹牙，正！
鲜虾水饺，真系有惊喜，因为每只水饺都有2只虾系入面，真材实料，大大只虾大大旧肉！
竹笙都系招牌嚟架，好大条，一落落去就会吸晒啲汤，好好食，吸收晒汤嘅精华，浓郁嘅番茄味加上海鲜嘅鲜甜，无得输啊！！！（必食！）
另外仲叫咗平时打边炉好钟意食嘅冻豆腐，淮山，象拔蚌等等，都系冇令我失望呀！
好满足呀～总括嚟讲，汤底真系好正，除咗鲜甜同真材实料，真系唔知用咩字嚟形容呀！必试嘅就系酥炸午餐肉，手打丸，海鲜同埋竹笙！
张贴
