悅素

营业中

休息中

放假𠮶日，我一个人去深水涉买嘢，顺便去咗间我朋友推介嘅素食餐厅Joys Cafe。呢间餐厅嘅装修好特别，摆满咗各式各样嘅公仔figure，下次我一定要带埋小朋友嚟。麻辣天贝素肉酱菠萝包配薯条及沙律（108元）初时有啲选择困难症，最后觉得麻辣酱配菠萝包及薯条好特别，所以就试咗呢个先。一开始见到份量觉得似乎唔够食，但实际食完之后发现其实好够饱。食物都系即做嘅，菠萝包面够脆，素肉本身好够味，但我都加咗少少酱去食，薯条热辣辣、脆卜卜，沙律菜新鲜，食得出餐厅好用心去做，味道不错，我好推介呢个。而且，店员嘅态度都好有礼貌，真系一间值得推介嘅餐厅。下次有机会我一定会再嚟。再试试其他食物。