影片
更多
2020-11-26
184 浏览
相信大家呢一年几都好少食到好食既川式火锅，由于港女特别钟意食辣野＋重口味，又心挂挂D麻辣火锅，朋友就揾左一间新开既店，带左我去食。港女对辣野要求好高，辣得黎唔系死辣而且仲要个味够香，先为之合格，最好就系走味精啦～今次黎到观塘鱼川居，由地铁站出黎都只系7分钟路程。😆新开关系，姐姐们都好热心服务，不停介绍食物，虽然见到openrice推荐酸菜鱼，但系个日心情想食辣野多过酸野，一于就试试佢，大家如果食开麻辣火锅，就知道，一个麻辣火锅好容易变左得个辣而无左其他味😂但呢间就唔会。我地叫左个水煮桂花鱼，姐姐话个汤底可以拎黎打埋边炉，menu上都仲见到有鸡煲或者净边炉，估计应该都不错😆一上到黎闻到个味其实好香，好惹味，鱼肉唔系我食过最滑既一间，但系味道搭够，因为鱼肉十分入味，而且有辣既香味。利申，港女平时好少食鱼，一闻到腥味会即刻唔食，但呢间系一D腥味都无，怕鱼之人可以放心入手👍🏻之后打边炉既料呢间十分特别，除左有唔同内脏，仲有好少见既牛腹油😆真系好岩我呢D唔肥唔食既人😋我地叫左牛腹油，鹅肠，墨鱼滑，肥牛，鸭血牛腹油并唔系度度都有得食，今次都系港女第一次西😂上网睇只需要渌8秒就ok，但得惊，所以渌左
港女对辣野要求好高，辣得黎唔系死辣而且仲要个味够香，先为之合格，最好就系走味精啦～
今次黎到观塘鱼川居，由地铁站出黎都只系7分钟路程。😆
新开关系，姐姐们都好热心服务，不停介绍食物，虽然见到openrice推荐酸菜鱼，但系个日心情想食辣野多过酸野，一于就试试佢，大家如果食开麻辣火锅，就知道，一个麻辣火锅好容易变左得个辣而无左其他味😂但呢间就唔会。
我地叫左个水煮桂花鱼，姐姐话个汤底可以拎黎打埋边炉，menu上都仲见到有鸡煲或者净边炉，估计应该都不错😆
一上到黎闻到个味其实好香，好惹味，鱼肉唔系我食过最滑既一间，但系味道搭够，因为鱼肉十分入味，而且有辣既香味。利申，港女平时好少食鱼，一闻到腥味会即刻唔食，但呢间系一D腥味都无，怕鱼之人可以放心入手👍🏻
之后打边炉既料呢间十分特别，除左有唔同内脏，仲有好少见既牛腹油😆真系好岩我呢D唔肥唔食既人😋
我地叫左牛腹油，鹅肠，墨鱼滑，肥牛，鸭血
牛腹油并唔系度度都有得食，今次都系港女第一次西😂上网睇只需要渌8秒就ok，但得惊，所以渌左一阵，一入口好有油脂同牛味，如果平时钟意食肥腩，真系必试呢个，但并唔系软淋淋个只，而系好脆口，所以个感觉都好特别。
鹅肠油脂味好香而且够脆，再食都会必点👍🏻
听姐姐讲，墨鱼滑同虾滑都系佢地自己整，今次只叫左墨鱼滑，味道好食，下次encore，再加埋虾滑先😆
鸭血食落好滑口🤩而且煮左一段时间好入味，又系会再点😂
姐姐系介绍同时仲拎左个海鲜拼盘比我地睇，半份既份量已经有龙虾，同一只好大既虾，但因为怕食唔哂，所以无叫，下次去会试😆
呢间真系食过觉得十分高质，除左佢个汤底味道真系一流之外，佢既份量系颇多，虽然我地点既系半份，但系上到黎个份量多到我地以为自己点左一份😂
晚上返到屋企好抵赞系，竟然唔颈渴，少有打完边炉唔会狂饮水😆
鱼川居
地址：观塘开源道54号丰利中心5楼507室
返寻味指数：9/10 一定会翻头食，同行友人都话会介绍朋友😂😂
由于系新开，立场并唔知，但见老细系后生仔🧐
张贴
