天后甜品 (已結業)

虽然今日得19度，但游完水成个人都warm up晒，突然好想有d冻野入口，于是行左去天后果头觅食！见到呢间甜品舖门面装修ok(见到佢有两间铺，我系去左佢角落头再行两步果间)，埋去坐低见到墙上面贴左好多甜品既相，有冻有热，不过最吸引我眼球既系有个叫雪糕生果雪山既物体，睇图真系一座野咁，好大份咁，我拣既系雪糕奇异果雪山，讲真其实食奇异果最唔稳阵，因为唔够熟既奇异果会好酸，本住一试无妨心态去马,点知出乎意料地好食！！奇异果一d都唔酸！d汁重要真系用奇异果汁，唔系化学糖水feel，因为饮完冰底既汁，条脷真系会鞋鞋地lol，同真系食奇异果一样咁正,冰山下仲有几片奇异果垫底，但讲左咁耐之前明明话雪糕奇异果雪山架嘛， 咁个雪糕呢？其实系座山入面，真系唔知佢用乜方法整左座山出黎？唔知系因为多纤维既关系，平时我只会早上去厕所，今天晚上有得再去多次，所以要数健康既甜品，呢座雪山真系不二之选！