西香記 (已結業)

Bookmark 左间餐厅好耐，终于去左试…同朋友两个人睇个menu研究左劲耐，因为佢太多唔同套餐，想食嘅野D set 又好似冇餐咁….最后打算散叫…但个姨姨劲好人，劲快手咁同我地叫左两个一人套餐，同我地悭钱，但一人有杯豆浆饮!! 酸辣凉皮有大豆芽菜同青瓜配料，但就好一般….个味好淡，又唔系好够酸，辣就算OK，但唔系好够香，凉皮就质感好好，好薄又好够冻! 金牌夹馍即叫即整，热辣辣好正!! 个皮包著满满的馅，食到最后都仲有馅！个皮加馅夹埋唔会好咸又唔干，个配搭得好好!! Biang Biang面!! 超好食!! 面质厚但唔会好粉，极有咬口同弹牙，食嘅时候D面都好易痴到D酱汁一齐食，，D酱汁都比得够多，而且香辣香口惹味!! 腩肉都比劲多，肥瘦平均，仲要好够淋!!咁多样最中意就系食个!! 凉拌青瓜，同市面上都差唔多，正正常常，青瓜清爽入味，个辣汁够咸，夹埋青瓜食岩岩好! 跟餐送无糖豆浆，饮得出系现磨的豆浆，但可能D豆一般般，唔系好香豆浆味…. 整体黎讲，食物中上，份量都好大，价钱合理，推荐!!