意八餐廳 (已結業)

过开黎沙田同朋友house warming，一个人系附近打个底先上去。废时饿亲。行匀全场，睇落最市正就系呢间又有人等位，就食呢间。好少见西餐厅午餐都有咁多选择，连日式拉面都有。罗宋汤: 跟餐既，好少见罗宋汤里头d蔬菜系打到碎晒既，但系咁，我反而觉得几好饮，味道更加浓。大大碗，我都饮晒既。蛋黄烟肉卡邦尼长通粉 $50: 同我地平时食既卡邦尼系两回事，虽然都有烟肉同意粉，但就食唔出有蛋香同芝士味，d汁似汤，完全唔可以挂系长通粉上。不过公平d，敞除佢唔似系卡邦尼之外，其实都好食既，当佢系一个上汤长通粉黎食，味道都几好，够味又足料。系一个屋村商场食野又以呢个价钱，不能要求太高。都算唔错。