椰粉湯紅 (已結業)

喺湾仔放工后黎左「椰粉汤红」买晚饭翻屋企食，我叫左特式套餐三嘅椰香海南鸡配椰香饭，再加左皇牌菜芯苗同食疗拿杯汤，总共$77。个海南鸡好滑，几好食。冇乜肥膏所以食落唔油腻，但系又唔会鞋。佢起左骨，所以食落好方便，点啲酱就有清淡嘅椰子味。至于个饭，佢唔系全白米，所以冇咁肥，仲有少少椰香味，又好食又健康。个菜芯苗就差左少少，因为唔系好嫩，同仲有留住啲黄花，不过都煮得啱啱好。至于杯汤呢，好方便咁用类似咖啡店takeaway 咁装住，饮𠮶阵好干净同方便。佢每个礼拜都会转汤，我冇留意𠮶次系乜，不过我估系菌类嘅汤，同我几肯定系素汤，因为。系。一。滴。油。都。冇！虽然冇落肉，但估佢落左几种菇所以好有层次同好纯嘅感觉，同系完全唔肥腻，好啱夏天饮。总括而言，我觉得椰粉汤红系好啱都市人享用，一黎佢标榜毫无味精，二黎我觉得佢系多菜少肉，三黎食得方便干净。所以我觉得好啱喺湾仔食lunch或者放工后买翻屋企食，又健康又好食😀。