嘉頓餐廳 (裝修中)

之前系openrice见到先至知原来嘉顿原来系有餐厅，一路都想试下，但始终唔得闲今次同男朋友买完电脑周围揾野食，本身谂住是但揾间野食就算，行行下点知见到嘉顿，所以就决定入去食啦!佢个门口好似d写字楼咁，如果唔系睇过OR，都唔会知原来入面有餐厅，餐厅就系正门入去行在边条楼梯上去就见到。一上到去我同男朋友都呆左，成间野竟然一个客都冇，我地就照入去啦。我地果阵系下午茶时段，D员工已经为晚饭时段set定枱。我叫左芝士香草汉堡牛肉芝麻风车包配薯条($38)包埋冻/热饮品，男朋友就叫左个羊肉飞碟餐($40)。等左一阵就有得食啦~(可能因为得我地一枱客既关系xd)卖相唔系话特别吸引(唔记得影相添)但食落系估唔到咁好味!先讲块包，一咬落去系听到好脆卜卜既声，跟住落黎就系块汉堡扒，真系成吋咁厚(冇夸张成份)好有口感好满足既感觉，而且好浓郁既肉汁味，再配埋好新鲜既生菜蕃茄，正!d薯条都系脆卜卜架，可惜既就系佢系幼薯如果系粗薯一定更加好味!!食一份已经好饱~男朋友果份飞碟份量就细左d啦，岩岩好填到个肚估唔到一间隐世餐厅既水准都会咁好，不过如果迟d越来越多人食既话唔知水准仲维唔维持到呢?我要系多人之前食多几次