影片
更多
2023-06-14
24 浏览
好耐冇嚟过坚尼地城揾食，今晚就应友人邀约嚟荷兰街呢间主打 Tap Beer 同 New York Pizza 嘅酒吧餐厅一聚。店舖嘅装修好有格调，砖红色门面再配以室内嘅原木家俱、霓虹灯装饰、半圆烤炉和墙上的挂相，布置吹纽约风。点咗个二人套餐，每位 $238，包前菜、鸡翼、沙律、薄饼或意粉及 330ml 啤酒两杯。招牌肉丸：肉丸有两大粒，由猪肉同牛肩肉等制成，食落肉质好松化，鲜嫩 Juicy，配埋面头富咸香嘅羊奶芝士一齐食，味道一流！威士忌烧烤炸鸡翼：鸡翼偏大只，外皮炸至脆身，鸡肉好嫩滑，加上喺烹煮过程时酒精已完全挥发，入口冇苦涩味，配埋啲西芹同姜蓉酸忌廉酱吃，味道更佳。腐乳汁凯撒沙律：沙律菜好新鲜，叉烧粒大小适中，入口咸香惹味，云吞皮香脆 crispy，同腐乳汁好夹，中西合壁，口感好登对。白鬼叉烧姜蓉薄饼：呢个薄饼超级推荐，配料比例啱啱好，handmade sourdough 软硬适中，边位带微微焦香，叉烧香甜又唔过腻，配埋姜蓉同芝士，带浓厚港式风味。饮品包两杯啤酒，亦可以点选 Mocktail。呢杯少爷啤 Another One，饮落质感好清爽，入口果香馥郁，带淡淡甜味，将啤酒花嘅微
好耐冇嚟过坚尼地城揾食，今晚就应友人邀约嚟荷兰街呢间主打 Tap Beer 同 New York Pizza 嘅酒吧餐厅一聚。
店舖嘅装修好有格调，砖红色门面再配以室内嘅原木家俱、霓虹灯装饰、半圆烤炉和墙上的挂相，布置吹纽约风。
点咗个二人套餐，每位 $238，包前菜、鸡翼、沙律、薄饼或意粉及 330ml 啤酒两杯。
招牌肉丸：肉丸有两大粒，由猪肉同牛肩肉等制成，食落肉质好松化，鲜嫩 Juicy，配埋面头富咸香嘅羊奶芝士一齐食，味道一流！
威士忌烧烤炸鸡翼：鸡翼偏大只，外皮炸至脆身，鸡肉好嫩滑，加上喺烹煮过程时酒精已完全挥发，入口冇苦涩味，配埋啲西芹同姜蓉酸忌廉酱吃，味道更佳。
腐乳汁凯撒沙律：沙律菜好新鲜，叉烧粒大小适中，入口咸香惹味，云吞皮香脆 crispy，同腐乳汁好夹，中西合壁，口感好登对。
白鬼叉烧姜蓉薄饼：呢个薄饼超级推荐，配料比例啱啱好，handmade sourdough 软硬适中，边位带微微焦香，叉烧香甜又唔过腻，配埋姜蓉同芝士，带浓厚港式风味。
饮品包两杯啤酒，亦可以点选 Mocktail。呢杯少爷啤 Another One，饮落质感好清爽，入口果香馥郁，带淡淡甜味，将啤酒花嘅微苦平衡得恰到好处。
至于呢杯 Passionfruit Virgin Mojito 亦很有特色 ，味道清新怡人，加上以新鲜嘅薄荷叶作点缀，简直透心凉。
另外餐厅仲有个 2 小时 $300/head 嘅 freeflow 优惠，当中包咗 5 款啤酒加 1 梳打、House Red & White wine、罐装 Higherthan、Highball、梳打、柠檬水及果汁，下次要约埋个好姊妹过嚟畅饮一番。
张贴
