凱芸軒 (已結業)

冒著危险试新嘢，因为呢间网上嘅食评唔系好多， 又冇人介绍过佢嘅晚饭小菜， 连佢个网站都冇中菜嘅餐牌。 当晚唔系好多人，环境宁静。虽然人唔多，但侍应好有礼貌，好好笑容。 鲣鱼汁鲜鲍鱼 $188鲍鱼够弹牙，底下有一啲半透明河粉，好滑。 黄金豆腐 $78炸得好香口，豆腐又好滑，味道好够。 波士顿龙虾二食 $4681. 百花酿虾钳蟹钳就食得多，虾钳都系第一次食， 都几特别啲虾都好弹牙。2. 拉丝芝士焗虾身龙虾啲肉都算新鲜，唔会霉， 个芝士就咸咗少少。 少爷茶熏鸡 半只$250只鸡好嫩滑，即使系鸡胸嘅部分都唔觉得好韧， 皮好滑，除咗皮有茶香味之外，肉都一样有阵浓浓嘅茶香味，所以肉汁系好丰富嘅。 虾头油叉烧菜粒意形米 $68 呢个我以为食紧饭，原来一粒一粒系意粉嚟 (侍应同我地讲)，口感好得意，特别到忽略咗其他配料嘅味道。