咖啡灣 (已結業)

喺将军澳做完嘢，谂住坐地铁返公司，路经新都城二期嘅咖啡湾，记得之前同A姐食过大埔分店，餐厅好Colourful，装修设计充满童话风格，吸引到好多少女同好似A姐呢啲中女心打卡。但我今日嘅少男心都俾佢门口嘅Lego城堡同Lego摩天轮吸引住，望吓望吓，不如坐低食埋个lunch先啦。香浓蘑菇汤午餐包餐汤，蘑菇汤浓郁唔稀，仲有唔少蘑菇幼粒，令口感更加丰富。山贼鸡翼散叫嘅鸡翼有六只合共三款口味，除咗原味皮脆嘅香草鸡翼，仲有蜜糖同埋辣酱两款鸡翼，够晒惹味。北海道咖喱汁配美国无骨猪扒饭饭用上日本珍珠米，又肥又有咬口。而厚切嘅猪扒唔嚡又唔韧，煎得够香。配上北海道咖哩汁就好开胃。菠萝荔枝乌龙茶跟餐嘅餐饮就叫咗菠萝荔枝乌龙茶，菠萝嘅微酸配上清甜嘅荔枝，令两者味道互补不足。茶底用上乌龙茶就够晒解喝。