影片
更多
2010-01-27
16 浏览
呢间食肆开左都有大约半年,主要都系同事午饭时帮衬开介绍,近数月我先较频密帮衬。我最钟意就系菜色少茨汁,唔咸得o黎又够惹味,价钱又唔贵店内服务又亲切,主要系事头婆好鬼识讲笑又够幽默,加埋佢同我都系【自家人】。有时几个人午餐时,提早打电话俾事头婆叫小菜,每个小菜都系四十元左右,镬气又够又新鲜,好多时事头婆好识做,仲会迁就我 o地特登去街市买(食送)菜添!你o地话呢种咁贴心服务又可以去边道揾丫?!我首推唔使讲都系【凉瓜排骨饭】,(食送)菜与白饭同碟分开摆 , 呢样我最钟意 , 加埋茨汁唔多唔会食哂茨汁入肚 , 真系人都健康好多。另每日不同材料无味精靓例汤,凉瓜斜切够薄炒得唔苦够爽,排骨应该系走过油,肉唔梅有口感调味出色。例汤我除o左间唔中o既【猪肺汤】我唔饮之外,其他例汤我都会好钟意饮,特别系番茄薯仔猪骨汤我最 like , 其次就系青红萝卜猪骨汤。现场除【自家人】o既事头婆外 , 仲有兼职少女工【阿仪】,【阿仪】芳龄17岁就快18岁 , 做o野勤力又听话 , 深得事头婆欢心。我仲成日同事头婆讲笑 , 叫事头婆不如揾【阿仪】做童养媳添...笑爆!另外呢道仲有一样o野多人食 , 就系各式酸
有时几个人午餐时,提早打电话俾事头婆叫小菜,每个小菜都系四十元左右,镬气又够又新鲜,好多时事头婆好识做,仲会迁就我 o地特登去街市买(食送)菜添!你o地话呢种咁贴心服务又可以去边道揾丫?!
我首推唔使讲都系【凉瓜排骨饭】,(食送)菜与白饭同碟分开摆 , 呢样我最钟意 , 加埋茨汁唔多唔会食哂茨汁入肚 , 真系人都健康好多。另每日不同材料无味精靓例汤,凉瓜斜切够薄炒得唔苦够爽,排骨应该系走过油,肉唔梅有口感调味出色。
例汤我除o左间唔中o既【猪肺汤】我唔饮之外,其他例汤我都会好钟意饮,特别系番茄薯仔猪骨汤我最 like , 其次就系青红萝卜猪骨汤。
现场除【自家人】o既事头婆外 , 仲有兼职少女工【阿仪】,【阿仪】芳龄17岁就快18岁 , 做
o野勤力又听话 , 深得事头婆欢心。我仲成日同事头婆讲笑 , 叫事头婆不如揾【阿仪】做童养媳添...笑爆!
另外呢道仲有一样o野多人食 , 就系各式酸辣米线 , 又大碗卖相又好 , 但我因为唔钟意食米线 , 所以未亲身食过 , 下次我一定会试下o既!
不过稍为美中不足o既 , 就系茶水方面一般水准 , 尤其奶茶及冻柠茶 , 相信要再改善一下先得 , 所以我依家每次去帮衬 , 都系唔饮水吧茶水斋饮汤算数。
呢道主要做外卖 , 大家有兴趣真系要试下 , 廿零三十蚊仲想点丫...哈!
张贴
