Tapas Brew (Mikiki)

营业中

休息中

餐厅地方唔系好大，所以人少少都可以好热闹。坐出面嘅饮下啤酒嘅话好似都几chill。 第一次食呢间餐厅，所以决定叫番一啲佢地嘅招牌菜，本身都喺西班牙海鲜饭同烧乳猪之间谂紧，后尾决定试下比较系街比较少见嘅烧乳猪。 通常食烧乳猪都净系会谂起去饮嘅时候嘅，但系呢度嘅烧乳猪系同中式嘅一啲都唔同，表皮非常薄，切落去系有好清脆嘅声音，十足ASMR甘，食落去好似薯片咁，油脂感好丰盈，惊腻嘅话可以点埋下面好清甜嘅苹果蓉，如果可以比多少少就好啦。除咗苹果蓉之外佢仲有另外一个汁你点，食落有淡淡嘅黑松露味同蒜蓉味，配埋乳猪一齐食会多咗一份咸香。烧乳猪烧得好脆 连啲骨都系用刀切开 但系就要食嘅时候就要小心，唔好食到啲碎骨啦。另外仲叫咗个熔岩芝士面包及薯条, 即系前排好hit嘅Raclette cheese，虽然佢唔会即场表演倒芝士𠮶下，不过送到上黎芝士都仲有拉芝效果架！薯条同面包新鲜焗起，上面嘅芝士味好香浓，有种有层次嘅咸香味，唔系 一般片装芝士𠮶种芝士味。将薯条点落乳猪个黑松露酱又有别有一番风味，高热量嘅食物真系好啱攞嚟送送啤酒。餐厅食物质素唔错，服务又好，难怪座无虚席，期待下次再试下佢其他西班牙小菜。