土耳其小城 (萬昌樓) (已結業)

元朗新开土耳其餐厅，日日行过都见到排晒长龙，今日终于有机会黎试吓，香港土耳其菜少见，自己都好似未食过！餐牌好多嘢食，不能尽影。土耳其薄饼 $22呢个好抵食，$22有四大块，不过店家都预先调咗味，所以唔点汁食都好够味，不过略嫌少少油。草原牛肉卷饼 $65店家好细心用锡纸包住，食𠮶阵唔会整到成只手都系。食卷饼名最怕系啲汁搞到个饼冧晒，所以大家唔使担心，呢间唔会有呢个情况出现。馅料好足料，唯一不足系调味淡咗少少。杂烩鸡肉串烧 $110呢个羊肉拼鸡肉嘅拼盘，可以试晒两只唔同肉类，两只都烧得好入味，羊肉唔膻，大家唔使怕，拣跟饭就一定够饱。土城羊膝烩水稻饭 $98哗！大家千奇唔好吓亲，呢个原只羊膝呈现系你面前，好嘅系原只羊膝，啲肉完全唔鞋，逐啲逐啲撕黎食，好惹味。不过唯一唔好嘅有少少唔够热。