愛茶 (已結業)

食完饭就要去左买野饮。行到呢间爱茶，舖面宽阔，朋友仲见到茶饮店少见既咖啡，就拣左呢间。<草莓奶盖大理石>（$47）草莓奶盖大理石系爱茶既招牌，望下呢杯饮品个样你就知点解佢会叫大理石了！呢杯饮品除咗个名特别，饮落去同出面既草莓奶盖都好唔同。出面普遍既台式饮品草莓奶盖都系偏甜，而爱茶既草莓奶盖就酸酸地，阵味似真正既草莓酸味。平时饮台式饮品我都会叫少甜，但叫爱茶既草莓奶盖就唔洗少甜，因为佢本身嘅甜度再沟埋草莓既酸味系配合得岩岩好。而爱茶既奶盖亦同出面既奶盖有d分别，出面既奶盖偏咸，而爱茶既奶盖就偏重奶味，而奶味中亦带甜，因为呢杯野本身酸酸地，所以奶盖既甜味就同杯野饮好match。<茶啡黑钻冰>（$34）朋友拣左呢杯茶啡，要左多多啡，仲加左$5要奶盖。朋友系咖啡爱好者，大赞呢度啲咖啡好饮，够浓仲偏向果酸味。黑钻意思系云天，好爽口既口感。而且加左奶盖一啲都无违和感。