緬甸招牌湯米線 (已結業)

今晚同朋友去左食香港非常少见的缅甸菜。我地叫左几个招牌菜包括:Mohinga 鲜鱼浓汤米线 -以鱼肉、鸡肉、先以黄姜粉炒，然后混入豌豆粉等配料汤底， 香味吸引，汤底味道浓郁又特别, 米线系地道缅甸米线，较一般米线幼身，挂汁又爽弹，配菜丰富，有脆口嘅缅甸特产碗豆饼炸豆饼同鱼片，钟意食辣嘅朋友仲可以加缅甸辣粉。曼德勒鲜茄滋味捞面 -自制茄酱，配埋缅甸风味嘅肉碎，味道清甜，捞面入口有弹性，加上辣椒粉同炸蒜红葱油，拌匀来食非常香口开胃。缅甸黄姜脆脆鸡翼 - 外皮非常香脆可口，鸡翼肉质嫩滑多汁。缅甸家乡手抓饼 - 手抓饼酥松金黄，层次分明，跟配的咖哩，无平时既咖哩咁竦，香味独特。椰香饭 - 朋友另外叫左个椰香饭拌手抓饼跟配的咖哩，清香的椰子味配上浓郁的咖哩，感觉不俗。缅甸黄姜蜜特饮- 姜味浓。青柠蜜瓜椰果特饮- 味道较清，解渴。