江南瀨粉 (福榮街) (已結業)

印象中以濑粉做招牌既店铺唔多，而呢间餐厅系少见用濑粉做主打，咁就当然要入去试一试佢啦～佢主要系似嗌𩠌配濑粉，亦都有配搭好既套餐比你拣，价钱就差唔多。而铺头墙上亦有佢十大推介既𩠌。有兴趣既朋友可以拣嚟试下。而今次我就系自己拣𩠌，拣左鹅肠，凤城水饺同陈皮鱼蛋，配合濑粉同酸辣汤，最后加埋杯冻柠茶（$9）。三𩠌濑粉（$55）份量都够多，卖相唔错。首先个酸辣汤底辣度无得拣，但对我嚟讲已够够辣，可能嗜辣既朋友就未必够辣啦，但个人觉得酸度不足，辣既味道盖过左酸既味道，呢样系有啲不足既。但系佢既濑粉的确唔错，食落濑粉够烟韧，口感介乎米线与薯粉之间，无薯粉咁难咬又无米线咁淋，系外面真系未食过呢种既濑粉，佢手工做既的确值得一赞👍🏻至于鹅肠清理得够干净，处理得唔错，而佢灼得岩岩好，唔会太韧，食落好爽口，作为店铺推介的确唔错👍🏻而水饺亦似系自己包既，足料同馅料算新鲜，唔似系雪藏得好劲既水饺，食落有惊喜👍🏻而陈皮鱼蛋就正正常常。总结呢间店舖既野食好多都系自家制，感受到佢地店舖对食物质素既坚持，毕竟外面买制成品系方便同平好多的。虽然佢既价钱稍稍比同区既贵小小，但质素方面实在对得起呢个价钱👍🏻值得去试吓👍🏻👍🏻👍🏻