昭拍耶

营业中

休息中

喺九龙城揾紧泰国嘢食，见呢间好似几新几光猛就入去试试。两个人叫食叫咗一份生虾，烧猪颈肉，马拉盏炒通菜，椰子鸡汤，蒜蓉包同薄饼各一份。讲真我哋系有食晒嘅但两个人食就真系太多太饱啦。生虾系食泰菜必点嘅，呢间嘅生虾一客有6只，每一只都有粒蒜同红辣椒。系新鲜嘅，可试嘅，大概80蚊一份。但汁唔辣。值得一赞，每只虾都有跟虾头，而且系炸咗挺有心思。一份烧猪颈肉嘅分量系几多下，有跟酱汁，见𠮶汁系几深色谂住个汁重味兼几辣下。但原来系唔系好辣接近唔辣。见好多人有推介椰子鸡汤就满心期待叫咗，但个人认为只系有椰子味嘅冬荫公冇好特别。我哋叫咗个细嘅，上嘅时侯有一个椰青装满汤另加一碗用碗装嘅，店员话因为个椰青唔够装(漏咗影抱歉)咖喱鸡系完全唔辣，可以俾小朋友食。鸡系弹牙嘅呢点正。整体黎讲呢间泰菜嘅嘢食可能偏贵，不过量多质素ok。