順德公漁村河鮮酒家

营业中

休息中

见到墙上面贴住好多奖项 。就知大厨一定有料到。 今次两围枱食饭。所以好丰富。食得好开心。虫草花天嫲鱼头汤，炖汤超级足料，好够火喉 。饮咗三大碗。顺德家乡煎酿三宝。 鲮鱼球配蚬蚧，味道真系一绝。 最喜欢系莲藕饼。莲藕好香好爽。尖椒就太辣，我直接放弃了。一向唔系好钟意食鱼嘅我。竟然食咗好多味鱼嘅𩠌都觉得好好食。首先一人一个鱼头 ‘’ 瓦罉煎焗鱼嘴 ‘’蚊得好香好入味。我竟然食清光。蒜子生扣花锦鳝 ～～用砂锅爆炒鳝球。鳝啖啖肉好厚身。配合蒜爆得好香。最正其实系块鱼皮。好厚。感觉好似好多骨胶原。第一次食姜葱蚊鱼扣。估唔到完全冇腥味。仲要咁爽脆有口感。食左几旧唔停口。顺德豉汁酿鲮鱼， 鲮鱼肉都好弹牙。呢味冇特别。食一件试下就够。金牌得奖铜盘蒸污糟鸡。 鸡肉好嫩滑好多汁。特色笼仔梅菜蒸菜心 ～～冇谂过梅菜蒸菜心。蒸出嚟个菜心会咁甜咁好食。掂啊。黄金糕有两款：椰汁黄金糕同黑糖黄金糕 ，唔错啊。唔系太甜又烟韧。黑糖比较好味。