影片
更多
2017-09-25
241 浏览
午餐时段到尖沙咀想揾平野食，走到诺士佛台前，见到呢间食店有好多OL排队。抬头一睇，先知原来元朗永年开左系呢度。其实一早已经想试佢地既车仔面，但由于元朗店唔系好近市区，实在无办法食到，今次咁啱有机会一尝永年辣汁！三十七蚊有三𩠌一面，系尖沙咀地段黎计，实在系非常经济实惠，怪不得咁多OL黎买外卖！车仔面配三𩠌 ($37)一碗叫左墨鱼丸、红肠同鸡翼配油面，另一碗就叫左鱼皮、鸡翼同牛筋配油面，另加微辣汁。如果叫清汤底的话，的确会无咩特别，所以唔食得辣都好，点都要加啲微辣汁，会过瘾同香好多。而𩠌个方面，够大份，丸类肠类都唔系细细粒碎湿湿，而且系弹牙唔会overcook。卤物鸡翼同牛根都腌得好入味，牛根仲切左唔同既部位，有啲系痴住牛腩，有部分系淋，亦有部分系爽。另外，鱼皮都好正，有成半碗咁多，脆口干身而且唔会有太多味粉。韭菜猪红 ($18)我觉得呢个猪红系所有𩠌之中最好味！个汁系甜甜地的卤水，而且仲落左超香的麻油。猪红吸哂啲汁，外爽内软。班兰咖央多士 ($13)多士用上厚身个只，涂上甜甜奶香的班兰咖央酱，食完碗面当甜品食。冻柚子蜜 ($13) 和 红豆奶茶冰 ($15)如果就咁斋饮杯柚子蜜系会觉得甜
三十七蚊有三𩠌一面，系尖沙咀地段黎计，实在系非常经济实惠，怪不得咁多OL黎买外卖！
车仔面配三𩠌 ($37)
一碗叫左墨鱼丸、红肠同鸡翼配油面，另一碗就叫左鱼皮、鸡翼同牛筋配油面，另加微辣汁。
如果叫清汤底的话，的确会无咩特别，所以唔食得辣都好，点都要加啲微辣汁，会过瘾同香好多。而𩠌个方面，够大份，丸类肠类都唔系细细粒碎湿湿，而且系弹牙唔会overcook。卤物鸡翼同牛根都腌得好入味，牛根仲切左唔同既部位，有啲系痴住牛腩，有部分系淋，亦有部分系爽。另外，鱼皮都好正，有成半碗咁多，脆口干身而且唔会有太多味粉。
韭菜猪红 ($18)
我觉得呢个猪红系所有𩠌之中最好味！个汁系甜甜地的卤水，而且仲落左超香的麻油。猪红吸哂啲汁，外爽内软。
班兰咖央多士 ($13)
多士用上厚身个只，涂上甜甜奶香的班兰咖央酱，食完碗面当甜品食。
冻柚子蜜 ($13) 和 红豆奶茶冰 ($15)
如果就咁斋饮杯柚子蜜系会觉得甜，但当你食完碗辣既车仔面，想解下辣，甜度系岩岩好！加左两片柠檬特别醒胃，而且个底有柚子皮之余，好似食到有咸柑桔既味道，非常润喉。
而红豆奶茶冰既红豆甜度亦恰到好处，煲淋既红豆有少少起沙又够大粒，好有口感。但略嫌茶底唔够浓，浓返些少就完美。
总结黎讲，面底同𩠌既份量都对得起价钱，著名既辣汁够麻，够辣得过瘾。
张贴
