同德素食

营业中

休息中

由于午市时间去到15：00，所以衬仲有午市去食个饭。叫咗个茄子鱼柳饭，店员好快帮我落咗单，跟手俾壶茶我。午市系包埋碗汤同埋特饮。今次嘅特饮系竹蔗茅根，饮得出系自己煲，清爽唔系好甜。而汤系中汤，虽然唔系好浓味，但胜在唔系好咸。落单无耐已经上菜，茄子煮得几淋，而鱼柳细细块食落几似真嘅鱼柳，有鱼苼味。而白饭煮得岩岩好，唔系好干都唔系好湿，个茄子鱼柳嘅芡都打得岩岩好，唔系好水。捞饭一流。中菜素食嚟讲，质素有保证，唯独下午茶时间去到16：30左右，比较早完。要系尖沙咀食到好食嘅素食餐厅唔系好多选择，所以佢系入选好食行列。