616牛肉火鍋專門店

营业中

休息中

今日约左朋友食午餐。但尖咀是但一间茶记都要五十蚊，行到赫德道见到个餐牌又几抵啵。决定就食依间。有四个套餐选，朋友话想食面，所以叫左芝士红烧牛肉面（$48）个餐跟送一枝野饮加一个甜品菊花冰粉。朋友话个面都几好食，面质弹牙同牛肉都算几多下，牛味浓，下次等我试下系咪真系咁好食先。我叫左牛四宝汤饭，最初唔知四宝系咩，朋友话叫左咪知道边四宝啰。一上枱，原来系牛𦟌，牛筋，牛腩同牛仔骨。佢系一个牛肉清汤，仲有西芹白萝卜及胡萝卜，牛牛既份量都几多，每样有一至两旧，而牛味都几浓下，唔算多筋，将D汤捞饭一流，最重要五十蚊就可以系尖咀食午餐，既刻加哂分。其实个午餐可以加九蚊多一个油菜，但大食朋友话想食羽衣甘蓝天妇罗，一上枱，咁大碟既？佢用个铁架仔隔油，另外伴有酸汁。食果时浸下酸汁既刻中和哂油分，可能系炸，所以冇羽衣甘蓝的苦味，味道唔错。店员话送多枝野饮比我哋，贪心的我饮唔到多一枝，一于外带啦。朋友话616晚市好多人616，常满的。下次如果订到位话我知啵。其实跟餐个甜品菊花冰粉都几好食，唔算太甜，食到少少菊花，佢个质感几似啫喱，埋单$144！