影片
更多
2013-11-24
6815 浏览
呢间已经黎过好几次，食过午餐，亦都食过晚餐。今次系食晚餐，因为另一半话想食番上次o既八小碟其中一个木瓜丝。试过平日去唔使book位都有位，点知今次去无book位，要坐lift口旁边，好彩今次唔系想食烧烤。今次叫o左4样o野﹣牛骨汤，海鲜葱饼，全州石锅拌饭，韩式猪手。食物质素：原来唔一定每次都系个8款，所以今次试唔到个木瓜，我另一半有o的失望。我同佢都系认为左上1，左下1，右下1，2都好好食。呢个牛尾汤唔系我地叫，系我地食前菜无耐就黎o左，我地已经觉得好奇怪，再加上我地上次食o既牛骨汤唔系用呢个方式上，系用锅，即刻问阿猪妈系唔系我地，奈何佢唔识讲广东话，我用英文问，佢又话呢个汤系用呢个碗上，我地唯有饮，个时我地仲以为自己叫错。呢个汤唔够我地本身叫o个个好饮，有牛肉，蛋花同萝卜，有比较之下，唔建议饮呢个。我地饮o左一碗，就已经无饮。好足料，有劲多虾，亦都好大个，不过唔知点解觉得个味普通o左o的，同我地上次系元朗食过o既海鲜葱饼比较，呢个就比较无咁好食。突然出现o系我地面前o既牛骨汤，好感动，因为呢个好饮好多，而且有o的面条系入面，可以一路饮汤一路食o的面！本身想影张未搅o既相，点知个wai
今次系食晚餐，因为另一半话想食番上次o既八小碟其中一个木瓜丝。试过平日去唔使book位都有位，点知今次去无book位，要坐lift口旁边，好彩今次唔系想食烧烤。
今次叫o左4样o野﹣牛骨汤，海鲜葱饼，全州石锅拌饭，韩式猪手。
食物质素：
原来唔一定每次都系个8款，所以今次试唔到个木瓜，我另一半有o的失望。我同佢都系认为左上1，左下1，右下1，2都好好食。
呢个牛尾汤唔系我地叫，系我地食前菜无耐就黎o左，我地已经觉得好奇怪，再加上我地上次食o既牛骨汤唔系用呢个方式上，系用锅，即刻问阿猪妈系唔系我地，奈何佢唔识讲广东话，我用英文问，佢又话呢个汤系用呢个碗上，我地唯有饮，个时我地仲以为自己叫错。呢个汤唔够我地本身叫o个个好饮，有牛肉，蛋花同萝卜，有比较之下，唔建议饮呢个。我地饮o左一碗，就已经无饮。
好足料，有劲多虾，亦都好大个，不过唔知点解觉得个味普通o左o的，同我地上次系元朗食过o既海鲜葱饼比较，呢个就比较无咁好食。
突然出现o系我地面前o既牛骨汤，好感动，因为呢个好饮好多，而且有o的面条系入面，可以一路饮汤一路食o的面！
本身想影张未搅o既相，点知个waitress问完要唔要辣酱就开始搅。宜家好多地方都唔用生蛋，不过佢地有用，所以食落会滑o的，无咁干，好多蔬菜，而且仲有牛肉，如果想食蔬菜又想食肉，大家可以唔使叫另一款牛肉石头饭。
本身以为系前菜，因为佢放系menu o既前几版，但食完先醒起韩国人应该系一路饮一路佐酒o既小食。但大家唔好乱挑战韩国猪手，因为超多，最少4个人先好叫，我地可能之前饮左1个半o既汤，只系食o左1/4!我觉得个酱唔系好够味，猪手本身都有少少味。餐厅环境：
坐得舒服，2个人都可以坐4人枱（因为无2人枱），唔需要搭枱，虽然系lift旁边，有时打开o的人都会望住。
员工态度：
好好，我几满意，因为黎咁多次，无一个员工态度系差，今次佢黎错o左个汤，会同我地讲唔好意思，而且叫佢地refill前菜都会即刻拎俾我地。
价钱方面：
都系正常韩国餐厅o既价钱，不过今次我地叫多o左个猪手，感觉就好贵。无o左个猪手，两个人都系3百几左右。
张贴
