影片
更多
2014-05-01
2772 浏览
同女友喺尖咀行完街食饭，女友问我食乜，我就话想饮汤。佢又好嘢㖞，save低咗呢间话想去呢间嘢食好耐，咁啱喺尖咀，就行过去。不过去到就未有位，伙记就叫我哋出去走廊等吓……冇派飞，全靠认样，其间有人嚟到等位，又系比佢叫出去走廊等，跟住就佢有佢哋忙，个感觉好唔可靠。最后等咗半个钟，个伙记就安排我哋搭枱坐。入到去个环境都几迫夹吓，好似大排档咁，冇乜意欲想坐耐啲。个餐牌就要考吓功夫去睇，因为套餐好似抵啲，但又冇嘢啱食；但系散叫只系费少少，不过点叫都得。睇咗一大轮先决定到落单。跟住就要考耐力，因为间嘢得一间厨房仔，等碗汤要三个字，等小菜就更加慢，睇住啲料喺个厨房排住队咁炒，对肚饿嘅我哋真系一种挑战！先嚟两碗汤。想试多啲汤水，所以我叫咗虫草花淮杞鸡汤。饮一啖，有啲鸡汤味，同屋企煲鸡汤差唔多，系嚿烋汤瘦肉唔系鞋口，几好味咁。但当我试埋女友碗龟苓汤之后，我情愿叫多碗龟苓汤。因为碗汤几鲜甜回甘，少少似龟苓膏味道但系鲜甜好多，只系觉得$50一碗好似贵咗啲。再等就系只豉油鸡。只鸡都几嫰滑，即使食鸡胸肉都唔会鞋口，而且啲玫瑰露豉油渗晒入啲肉度，咬入口啖啖豉油甜，最好就系豉油捞饭。不过啲鸡油一样唔少，所以女友都劝
佢又好嘢㖞，save低咗呢间话想去呢间嘢食好耐，咁啱喺尖咀，就行过去。
不过去到就未有位，伙记就叫我哋出去走廊等吓……冇派飞，全靠认样，其间有人嚟到等位，又系比佢叫出去走廊等，跟住就佢有佢哋忙，个感觉好唔可靠。
最后等咗半个钟，个伙记就安排我哋搭枱坐。入到去个环境都几迫夹吓，好似大排档咁，冇乜意欲想坐耐啲。个餐牌就要考吓功夫去睇，因为套餐好似抵啲，但又冇嘢啱食；但系散叫只系费少少，不过点叫都得。睇咗一大轮先决定到落单。
跟住就要考耐力，因为间嘢得一间厨房仔，等碗汤要三个字，等小菜就更加慢，睇住啲料喺个厨房排住队咁炒，对肚饿嘅我哋真系一种挑战！
先嚟两碗汤。
想试多啲汤水，所以我叫咗虫草花淮杞鸡汤。饮一啖，有啲鸡汤味，同屋企煲鸡汤差唔多，系嚿烋汤瘦肉唔系鞋口，几好味咁。
但当我试埋女友碗龟苓汤之后，我情愿叫多碗龟苓汤。因为碗汤几鲜甜回甘，少少似龟苓膏味道但系鲜甜好多，只系觉得$50一碗好似贵咗啲。再等就系只豉油鸡。
只鸡都几嫰滑，即使食鸡胸肉都唔会鞋口，而且啲玫瑰露豉油渗晒入啲肉度，咬入口啖啖豉油甜，最好就系豉油捞饭。不过啲鸡油一样唔少，所以女友都劝我唔好捞咁多。
最后上埋呢碟茄子鱼腩煲，真系等到颈都长。呢个煲嘅优点就系够香，尤其系件鱼腩好香口；缺点系油到影相都见到，同埋咸过头，𩠌饭都𩠌唔掂。所以好辛苦先清晒两碟咁油腻嘅嘢，好话唔好听，屋企食饭都唔会落咁多油！可能得两个人食呢啲上楼档唔系咁过瘾，唔会落blacklist，但系唔会有种短期内再嚟食过嘅冲动。
张贴
