Dijaya (已搬遷) 新店位置

平时去开湾仔饮嘢，今晚就去咗尖沙咀𠮶度食嘢兼饮酒，知道棉登径𠮶度都有酒吧，而且会唔会咁多人，所以我哋喺𠮶度就随便入咗一间𠮶度试吓。Hoegaarden$58朋友向来都钟意饮啤酒所以佢都系点返呢只酒，佢话哥饮的不是酒，系气氛，咁我都明嘅啤酒配薯角，再加薯片，又真系一个唔错嘅组合。strawberry punch$68因为听日要返早，所以之后拣咗呢一款，士多啤梨加橙汁，饮得到士多啤梨嘅味道，好Fresh。小食拼盘＄160斋饮酒有闷咗啲 ，所以就带咗个小食拼盘，我个人几钟意个鸡肉串，鸡肉够滑又juicy,同埋个鸡翼都炸得几好食，唔会太油。酒吧嘅座位都几舒服，系一个大嘅U型沙发位，私隐都够高，大家一班朋友倾计都唔会怕嘈到人。