Potluck Eatery

想系尖沙咀揾间餐厅同家姐庆祝生日，无意之中揾到Potluck Eatery😆想要有返啲仪式感，见到佢哋甜品可以写字，就book咗嚟试吓佢~Set dinner会有餐汤，当日嘅系南瓜汤，都几浓郁同creamy，另外仲有一块蒜蓉包，都几香口~每只蚬都好肥美，佢哋个白汁除咗好香牛油味，仲有阵阵酒香散发出嚟，同个蚬真系好match，个汁都好味到想蘸面包呀🤤十分足料嘅意粉❗️成碟好多牛肝菌，啱哂中意食菇菌嘅我☺️重点系上面个块鹅肝，煎到啱啱好，带微微焦香，切开个阵油香都渗哂落意粉到，整体食落唔觉好油腻😋依杯mocktail其实系士多啤梨🍓加椰子水🥥，清甜爽口，解腻一流😌当日嘅甜品系蓝莓cheesecake😋因为book枱个阵remark咗要庆祝生日，所以有得写字✍️蛋糕都唔错食，细细件唔会太济，啖啖蓝莓加cream cheese味，甜而不腻，为成餐晚饭作结。整体嚟讲真系唔错，地方够阔落，枱与枱之间唔会贴到好埋，加上装修系木系，柔和嘅灯光令人觉得好舒适😌食物质素都唔错，系值得encore嘅，以后出去食饭又多个选择🙌🏻