金牌小龍 (已結業)

楼面好阔落，几舒服，但得一个楼面会做野咁，其他楼面都倾计同埋行行企企咁😏午市有promotion ，食满$200加$1就有两只小笼包，佢既小笼包真心不错的，加埋醋一齐食好正轻轻咬开，好鲜甜咁标晒出黎，而且唔会一夹就好易穿，觉得佢做得唔错。杂锦土豆丝，细细碟，但好清爽，味道不错。牛肉汤好香既牛肉味，好补咁。块牛肉就几柴下，不过都正常，炖晒啲精华出黎，肉就系会柴。卤海带我就好钟意食，有咬口，有质感，好香既海带味鲜虾云吞汤，好清新，皮薄，用料足，高分。一定会再黎，因为性价比高，又坐得好舒服，上菜速度快。