影片
更多
2024-01-04
32 浏览
呢间餐厅每晚都好旺场满座。三款肉类放题套餐任你选，食足120分钟。特别位系汤底可以拣升惹味鸡煲、黑椒猪手煲或火焰牛尾煲或升级至滋补羊腩煲/鹧鸪汤底。滋补羊腩煲（升级）羊腩汁好浓，色泽系浅啡色，羊腩索晒d精华好入味，本身厨房炆左好耐，枝竹同冬菇好冧，加埋葱全个煲都好好味！火焰牛尾煲打卡位！一上菜侍应会系牛尾煲内点火，蓝色火焰好靓，睇住佢炒牛尾后火熄后便食得！个汁真系好惹味同劲香。细细旧牛尾好易食，牛尾肉质软身又有少少肥膏好有口感。养生滋补鹧鸪汤底（每日限量）配料：红枣桂圆虫草花依个汤底真系好有住家汤既感觉，我饮左几碗完全唔口渴。煲耐左会变得金黄色，鹧鸪同配料愈煲愈浓，用来煮瓜菜类劲正索味。安格斯牛板腱&封门柳必食之选，肉类色泽浅红色代表好新鲜。写住煮6秒食得，肉完全唔鞋，系超软身又重牛味！想食火锅放题，来「二锅头」，由选个靓锅底开始你既火锅之夜啦～
滋补羊腩煲（升级）
羊腩汁好浓，色泽系浅啡色，羊腩索晒d精华好入味，本身厨房炆左好耐，枝竹同冬菇好冧，加埋葱全个煲都好好味！
火焰牛尾煲
打卡位！一上菜侍应会系牛尾煲内点火，蓝色火焰好靓，睇住佢炒牛尾后火熄后便食得！个汁真系好惹味同劲香。细细旧牛尾好易食，牛尾肉质软身又有少少肥膏好有口感。
养生滋补鹧鸪汤底（每日限量）配料：红枣桂圆虫草花
依个汤底真系好有住家汤既感觉，我饮左几碗完全唔口渴。煲耐左会变得金黄色，鹧鸪同配料愈煲愈浓，用来煮瓜菜类劲正索味。
安格斯牛板腱&封门柳
必食之选，肉类色泽浅红色代表好新鲜。写住煮6秒食得，肉完全唔鞋，系超软身又重牛味！
想食火锅放题，来「二锅头」，由选个靓锅底开始你既火锅之夜啦～
张贴
