影片
更多
2022-12-13
109 浏览
放工收得夜，同同事成九点几都未食嘢。我醒起尖东交界有间串烧店叫「川味亭」，之前喺度食过晏唔错，打咗电话去问确定无咁早闩就起行🌚。小店装修简约，但都算干净企理，而且无其他串烧店惯常嘅油烟味。窗户四周围都贴咗食物相片，并温馨提示制作需时⏳，不过实际上菜速度都算快。同时，我认为餐厅定价属合理水平。我叫咗一份套餐🥢，全日供应，跟配饭或面，感觉比较饱肚。套餐有啲似川式冒菜或港式车仔面，可自选配菜、汤底同面底。我要咗G餐($78)，包墨鱼饼、2款配菜同1粉面。唔好睇汤底咁浅色，我其实系嗌咗麻辣，不过BB辣🌶，食落并非无味，而系轻轻渗出，但下次会试小辣，应该都接受到。再者，汤底放入蒜蓉同芫茜，份外惹味。🍜我要咗粉丝做面底，又爽又索味，但有啲菜式垫底都有粉丝，如果唔想重覆就嗌第样。由于墨鱼饼卖晒，所以转咗炸虾饼🦐。虾饼好吸引，劲大块，分到七至八嚿；喺泰国餐厅斋食佢都要咁嘅价钱。虾饼真材实料，虾胶弹牙！另外两款配菜就拣咗风琴豆腐同油麦菜，两样均系索汤之选。法式鹅肝多士($68)，我哋完全无谂过小店嘅出品咁出色😈，好食过唔少西餐厅。鹅肝好大件，煎至外脆内软，入口即溶，好邪恶，就连垫底嘅多士索晒味都好正🍞。
放工收得夜，同同事成九点几都未食嘢。我醒起尖东交界有间串烧店叫「川味亭」，之前喺度食过晏唔错，打咗电话去问确定无咁早闩就起行🌚。
小店装修简约，但都算干净企理，而且无其他串烧店惯常嘅油烟味。窗户四周围都贴咗食物相片，并温馨提示制作需时⏳，不过实际上菜速度都算快。同时，我认为餐厅定价属合理水平。
我叫咗一份套餐🥢，全日供应，跟配饭或面，感觉比较饱肚。套餐有啲似川式冒菜或港式车仔面，可自选配菜、汤底同面底。我要咗G餐($78)，包墨鱼饼、2款配菜同1粉面。
唔好睇汤底咁浅色，我其实系嗌咗麻辣，不过BB辣🌶，食落并非无味，而系轻轻渗出，但下次会试小辣，应该都接受到。再者，汤底放入蒜蓉同芫茜，份外惹味。🍜我要咗粉丝做面底，又爽又索味，但有啲菜式垫底都有粉丝，如果唔想重覆就嗌第样。
炸虾饼
1 浏览
0 赞好
0 留言
法式鹅肝多士
$68
1 浏览
0 赞好
0 留言
海大蚬
$58
1 浏览
0 赞好
0 留言
蒜蓉扇贝($68/2只)，🐚扇贝开边蒸，并无蒸到过熟或变韧，而且又系肥大鲜甜，但蒜蓉味就比海蚬𠮶款强。
安格斯牛仔骨($58)，🥩牛仔骨有三件，烧得几香口，虽然外层烧得稍为干咗啲，但肉质唔嚡，而且肉味都算浓。
猪颈肉($25)以及特选牛仔肉($28)，两款都系大啖肉之选，啲肉绝对唔系僵尸肉，所以唔使用大量味粉腌制。🐷猪颈肉肉质爽口，兼且唔肥腻。🐮牛仔肉类似牛柳，食落都算多汁。
深海大墨鱼咀($28)以及鸡软骨($15)，两款同样系粒状同脆卜卜。🦑墨鱼咀好食，但得五粒有啲唔够喉，因为食开嘅都系一兜兜嘅炸物。🍖鸡软骨就无乜特别，系扁签M字头𠮶只货。
食咗咁多海鲜同肉，我哋嗌咗啲蔬菜💚，包括翠玉瓜($15)、娃娃菜($15)以及粟米($18)。烧蔬菜不比其他串烧失色，佢哋无烧到干晒，烧完都仲保持翠绿。蔬菜味道较清，所以味粉香较突出。🌽烧粟米最后送上，冇谂过原条上，而且仲超巨型。粟米烧得好靓，好均匀，爆晒汁。
饮品方面🥤，我哋要咗青柠梳打($28)同菠萝冰($28)，两杯一啲都唔马虎，好够味，唔系求其落两片柠檬同菠萝。嘢饮大大杯，清凉解渴，配串烧食一流！
总括嚟讲，呢间串烧店味道出众🍢，市面上越来越多呢类型食店，但质素参差，亦令我觉得整串烧唔需要技巧。不过小店嘅出品唔同，烧烤火候控制得宜，调味恰到好处；我要咗微辣，香而不烈，唔重口味。最后，店内两位女店员亦好有礼貌，抵赞啊👍。
张贴
