元朗合隆潮州粉麵 (新文華中心)

营业中

休息中

有一次去尖东附近做嘢，趁有时间同个朋友再去覆桌食多一次呢间潮州面馆，因为想试吓其他汤底嘅味道，可能因为仲系算做农历新年假期附近，所以唔算太多人。今次就想试吓佢个猪油捞饭，所以叫咗一个猪什拼猪油捞饭，猪油嚟到其实都几大碗，里面真系几足料同几多唔同嘅款式，猪油捞饭基本上个香味实有嘅，简简单单猪油加豉油，虽然都明白会好唔健康同埋比较肥，但系都系希望猪油可以再多少少，因为捞起上嚟啲饭感觉唔系好够猪油味。朋友就叫咗个猪骨汤底嘅面，加咗腐竹，鱼角，同埋牛肉，我试过个汤底都好香，下次我都会食呢个汤底。另外叫咗个清汤牛肉饼做小食，同埋一个冰镇墨鱼头小食，两个嘅味道都好好。