好時沙嗲

营业中

休息中

星洲炒萝卜糕炒得好香，带点甜，有落蛋丝同大量嘅葱去炒，但系萝卜糕太淋， 但又未去到一pat pat，卖相就麻麻，但系系好食既。 椰汁咖哩鸡佢系属于杰身少少嘅咖哩， 偏甜唔会太辣 。 分量都唔少，感觉上唔系𠮶啲雪藏鸡，佢唔系鸡扒嚟嘅系有骨嘅鸡肉。薄饼本身个鸡冇送饭，所以就叫咗两块薄饼。个薄饼真系整得非常之好，超级够热，够松脆，唔会油！椰汁沙各米 最后叫咗个甜品，见到佢餐牌成座山咁嘅样，觉得好特别 。其实佢系椰汁西米露，不过佢啲西米就变咗一座布甸山咁，食落佢仲有落一啲蔗糖，所以非常之香，但系偏甜，系可以一试嘅。整体嚟讲，佢价钱其实十分亲民，尤其是喺尖沙咀呢一个地段。会想试埋佢其他嘅菜式！