影片
更多
2022-06-01
290 浏览
喺尖东返工看似唔惊无嘢食，餐厅确系有唔少，但质素平庸都要大排长龙…😕，所以如果有时间嘅话，我会选择行远啲去厚福街𠮶边。不过呢排落雨☔️，就求其系附近搞掂算。我同同事帮衬咗「Fog Bar & Restaurant」，见门口有个特价餐就一于试吓。小店面积唔大，下午一点半钟去到全场爆满👏。室内装修比想像中有心思，因为天花板吊咗唔少花束💐，再配合埋绿叶墙身，带比人一种小花园嘅感觉。后尾先发现原来佢仲有一排室外座位，放工嚟饮酒食饭都几Chill。我哋入到嚟认真睇餐牌先发现唔止得特价餐🙈，意式三道菜午餐相对贵少少，但款式吸引好多，而且仲包前菜同饮品。除咗午餐外，佢仲有好几本餐牌，估唔到咁细间舖都煮到咁多菜式😳。午餐前菜可拣汤或沙律，我哋各要咗一份。🍅意大利蕃茄浓汤Creamy Tomato Soup非常浓郁，茄味酸酸的，好开胃。🥗希腊沙律Greek Salad并非单靠醋汁调味，蔬菜新鲜，再加埋羊奶芝士粒，够清新。挪威烟三文鱼彩椒手拉薄饼Norway Salmon & Mix Bellpepper Pizza($88)，🍕Pizza直径如餐牌所述为八吋，新鲜滚热辣焗起，直头系烫手程度🔥，所以芝士嘅拉
喺尖东返工看似唔惊无嘢食，餐厅确系有唔少，但质素平庸都要大排长龙…😕，所以如果有时间嘅话，我会选择行远啲去厚福街𠮶边。不过呢排落雨☔️，就求其系附近搞掂算。我同同事帮衬咗「Fog Bar & Restaurant」，见门口有个特价餐就一于试吓。
小店面积唔大，下午一点半钟去到全场爆满👏。室内装修比想像中有心思，因为天花板吊咗唔少花束💐，再配合埋绿叶墙身，带比人一种小花园嘅感觉。后尾先发现原来佢仲有一排室外座位，放工嚟饮酒食饭都几Chill。
我哋入到嚟认真睇餐牌先发现唔止得特价餐🙈，意式三道菜午餐相对贵少少，但款式吸引好多，而且仲包前菜同饮品。除咗午餐外，佢仲有好几本餐牌，估唔到咁细间舖都煮到咁多菜式😳。
午餐前菜可拣汤或沙律，我哋各要咗一份。🍅意大利蕃茄浓汤Creamy Tomato Soup非常浓郁，茄味酸酸的，好开胃。🥗希腊沙律Greek Salad并非单靠醋汁调味，蔬菜新鲜，再加埋羊奶芝士粒，够清新。
挪威烟三文鱼彩椒手拉薄饼
$88
8 浏览
1 赞好
0 留言
挪威烟三文鱼彩椒手拉薄饼Norway Salmon & Mix Bellpepper Pizza($88)，🍕Pizza直径如餐牌所述为八吋，新鲜滚热辣焗起，直头系烫手程度🔥，所以芝士嘅拉丝效果超强劲，拉极都唔断，食到我哋手忙脚乱，哈哈。🧀芝士以外，馅料仲包括大量烟三文鱼同三色椒，三文鱼熟咗更具咸香，而三色椒就为薄饼带来色彩🌈。Pizza系薄批，口感香脆，唔饱滞，就连细食嘅我都觉得可以轻松一人食晒，皆因好食。我敢讲佢比起市面上高档意大利餐厅嘅出品更出色！
米兰烩牛肉配香脆蒜蓉法式面包
$100
4 浏览
0 赞好
0 留言
泰式甜酸焗鸡翼
$98
9 浏览
0 赞好
0 留言
跟餐奉送嘅小甜品Dessert好精致🍮，系一口大小、花花形状嘅花奶香芋奶冻。味道似曾熟悉，唔太甜，仲额外加多一份小餐馆嘅人情味。
饮品方面🥤，午餐包冷热饮品，我哋要咗冻柠茶同冻檬水，无乜好介绍，但就够晒大杯。晚市好似有做Happy Hour啤酒优惠，下次可以试吓。
题外话，餐厅老板同店员们都好好人👍，识讲广东话𠮶位女士温柔有礼，以诚待客。另一边厢，今日亦有机会同外藉老板倾计，佢话呢度开业十年，食物出品系正宗意大利整法🇮🇹，以迎合返附近一带客源。
总括嚟讲，呢间位于尖东嘅餐厅制作出极高水准嘅食品😋，老实讲事前完全估唔到，因为佢门面颓颓哋，不过自此之后佢会成为我嘅午市饭堂。餐厅主打意大利菜，不过同时亦提供印度菜，而佢更好贴心特设素食餐牌，值得大家多多支持💪，推介啊！
张贴
