Iberians (已結業)

好耐冇行尖东，今日过嚟行吓仲食到一间好好食嘅西班牙餐厅。叫个沙律食先，西班牙马铃薯沙律嘅沙律菜非常新鲜，加入少量盐同沙律油，薯仔溶一齐食，咸中带有清新，唔错！西班牙可乐饼，馅料有少少杂豆，即制炸得香脆热辣，好正！仲有呢个前菜，不能少左佢，Parma ham配蜜瓜同槛榄，火腿肉质柔软、甘甜带点芳香，真系不可不吃。西班牙章鱼墨汁炖饭，好正宗够咸够墨鱼香，饭身清爽外层湿润，锅上热辣辣，系近期称得上好味嘅墨鱼汁饭。香草三文鱼珍珠面，烟韧珍珠面配上大小差不多嘅青豆、红萝卜粒、烟肉碎，而煎得香脆三文鱼嘅鱼油亦渗透每粒面粒，加添左味道层次又健康。呢度环境气氛同埋餐具都好别致，服务亦唔错，最衰今日揸车，如果饮sangria会同呢餐饭更夹，最后只order左Mojito无酒精版。