Namo Avant Thai Restaurant (已結業)

尖东海旁有好多唔错嘅餐厅，其中帝国中心Namo Avant Thai Restaurant就系一个非常悠闲嘅泰式餐厅，佢可以望到维港海景，傍晚时相当浪漫，餐厅有室内同室外用餐区，室内宽敞悠静，透过玻璃窗都欣赏到维港迷人景致。户外用餐区更是一大亮点，好有异国情调，好岩吹水饮嘢。我好钟意食佢哋嘅沙律，正宗泰式风味，有好多款选择，我哋试咗两款。SOM TOM (青木瓜沙律)青木瓜丝配以青辣椒、蒜头、花生、车厘茄等材料，淋上泰式酸辣酱汁，开胃爽口。POMELO PRAWN (柚子虾沙律)虾肉已经去咗壳，虾肉高质弹牙又入味，柚子果肉丰富，充满水份，淋上泰式酸辣汁，非常开胃！CRAB YELLOW CURRY (蟹肉黄咖喱)啖啖蟹肉份量充足，入口细腻，配以浓郁香滑的黄咖哩汁，椰香吸，跟蒜蓉包配以咖喱汁，又可以加泰国香米饭。SALMON DILL BUTTER (香草奶油三文鱼)厚切三文鱼柳肉质唔错，以香草奶油烹调，鲜嫩多汁，淋上清新的青柠汁，清爽不油腻。TICKY RICE MANGO (芒果糯米饭)软糯的糯米饭系斑斓味，配以香甜的芒果肉，淋上椰浆，加上椰肉碎点缀，口感丰富，卖相都好靓。