Fog Bar & Restaurant

营业中

休息中

今日嚟尖东食午餐，呢间餐厅嘅职员好亲切热情❤️餐厅布置好靓，天花顶加咗好多紫藤花装饰💐有套餐餐牌，另外仲有for素食者嘅餐牌意大利蕃茄浓汤🍅蕃茄味浓郁，酸甜开胃，浓稠度适中，味道好天然。挪威烟三文鱼沙律🥗烟三文鱼几新鲜，配上新鲜爽脆嘅青瓜🥒同蕃茄🍅等蔬菜🥬好refresh🍕挪威烟三文鱼彩椒手拉薄饼 8” Pizza 配料丰富，有烟三文鱼，彩椒🫑，水牛芝士🧀，饼皮焗得香脆，芝士有拉丝效果；厨师好细心切开咗8份，方便share食👍🏻泰式甜酸焗鸡翼酱汁甜甜酸酸好开胃，加咗黑椒有少少辣好惹味，鸡翼焗得好香脆，内里肉质嫩滑，好多肉汁，非常香口🤩白汁鸡皇意粉🍝同一般食到嘅意粉有啲唔同，酱汁比较稀，味道亦比较淡，意粉软熟，配上烤鸡肉，有家庭菜风味。精选甜品系🍌香蕉朱古力冻饮，朱古力加咗少少酒好香酒味，伴香蕉好夹。