秀 (已結業)

今日中午时分黎到尖东，系咪太耐无黎尖东呢？成个尖东都俾啲大陆人侵占哂！想揾间嘢食都难🤦🏻‍♀️🤦🏻‍♀️🤦🏻‍♀️🤦🏻‍♀️行远少少去到幸福中心有几间嘢食，见到哩间叫做秀既餐厅，再望下原来系食韩国野，间餐厅其实都爆爆地，但咁啱有张二人台，我同朋友就入咗去食啦。不过入到黎先知原来呢间餐厅都好细间，呢度啲侍应都系韩国人啵，咁即系好地道啦间餐厅？睇到午市餐牌都几多选择啵，我地嗌左石锅杂锦拌饭同埋牛肉汤饭😋😋😋然后侍应就俾咗四碟前菜我哋啦，个泡菜真系唔同啲㖞，因为平时食开𠮶啲都系咸啲既，呢间就比较清淡，我钟意呀！可能今日冇食早餐嘅关系，好期待我𠮶石锅杂锦拌饭，一上枱个石头锅都几大碗㖞，见到都好足料，起码我见到啲牛肉系一嚿嚿，出面好多韩国餐厅啲牛肉系碎碎地既，不过温馨提示要快啲搞下啲饭，唔系真系好痴底啰！朋友个牛肉汤饭都几好味㖞，开头以为牛肉好少啦，原来全部沉晒底，同埋个牛肉汤里面系埋面线，再加多一碗白饭，好饱呀！然后我哋在嗌咗杯热柚子蜜，好大杯！