影片
更多
2015-02-06
23059 浏览
每个星期都会嚟港铁尖东站L3出口，畀弥敦道、中间道、汉口道、北京道顺住东南西北围住嘅九龙酒店倚窗阁叹宵夜自助餐。第一钟意佢交通方便，对于唔识揸车嘅我嚟讲，从夜晚十点食到十二点都唔怕冇车返屋企；第二钟意佢价钱合理仲时有优惠，通常每位计埋单二百零二蚊，同样价钱要响任何稍有质素嘅西餐厅食个SET DINNER几乎不可能。言归正传，自从阔别此地接近一个月，我又嚟帮衬。由于今晚嘅中汤唔得掂嘅关系，一向无汤不欢嘅我转饮呢个意大利蔬菜汤，今次已经系接连第二次见到呢个汤出现，在此之前帮衬咗几十次都冇见过佢。呢个汤之好处系用料足、菜够稔、酸味够、蔬味出，最重要系佢唔系果啲单凭罐头番茄膏做底味嘅悭时间制作。食过咁多次，呢度嘅西汤总系摆出豆蓉、南瓜之类何其饱肚嘅款式，试问对于嚟食自助餐嘅人嚟讲又点会吸引呢？此所以呢个将西汤常用意大利蔬菜汤嘅做法我就十分支持嘞！上次食评赞完呢度嘅中汤经常正爆之后，势估唔到今晚佢就出事嘞！原本浓郁如阿妈亲煲嘅中汤，今晚唔知咩事变得水汪汪咁稀咗淡味咗好多！纵然隔篱台有位貌似吃素为主嘅姑娘前前后后我睇住佢起码连队十几碗仲要食埋汤渣，我都系饮几啖就放弃咗佢，期待下次帮衬佢可以做返原来
言归正传，自从阔别此地接近一个月，我又嚟帮衬。
意大利蔬菜汤
200 浏览
0 赞好
0 留言
沙参玉竹雪耳炖唐排
126 浏览
0 赞好
0 留言
生蚝
265 浏览
1 赞好
0 留言
生蚝
197 浏览
0 赞好
0 留言
帮衬过多次嘅你一定知道，呢度热盘类嘅食物除咗某一啲一定存在嘅款式之外，其他都系不时替换嘅，对于推介完你又唔一定食得到呢个咁乞人憎嘅问题嚟讲呢，我惟有善意地倾向报道一啲你实食得到嘅嘢。例如呢度一定有叉油鸡，而且做得好出色，仲一定会有炒饭、粉、面、濑，带老人家嚟食的话我谂佢会几钟意，唔怕冇嘢好食。至于个PIZZA嘛，我想讲好耐，冇咩人食咖喇，换咗佢啦！点心方面，猪肉、牛肉烧卖不一定提供，以猪肉烧卖较为OK，牛肉烧卖口感太死实。菜肉包、奶皇包、叉烧包、珍珠鸡都系不一定提供，睇你食果晚有就有，冇就冇。咖哩牛、羊、鸡、鱼每日不同；几款捞好嘅沙律仲有冻肉、新鲜蔬菜、冻青口、冻虾都系必备嘅；冷热奶茶咖啡、苹果汁橙汁自助搞掂；几款面包配牛油、果酱自己摞去翻热。
煎莲藕饼
103 浏览
0 赞好
0 留言
肉碎粥
96 浏览
0 赞好
0 留言
刺身
138 浏览
0 赞好
0 留言
101 浏览
0 赞好
0 留言
甜品之中，芒果拿破仑饼仲有朱古力慕丝花都系必食嘅。
MOVENPICK雪糕系我其中一个嚟呢度嘅目的。雪糕柜右边有中式糖水、炖奶、牛角包之类；斜对面有豆花。
MOVENPICK雪糕
94 浏览
0 赞好
0 留言
MOVENPICK雪糕
101 浏览
0 赞好
0 留言
MOVENPICK雪糕
201 浏览
1 赞好
0 留言
窝夫
96 浏览
0 赞好
0 留言
张贴
