星滙演 (裝修中)

尖东尖沙咀中心呢度嘅StarVerse原来唔同日子系有Live band，主打怀旧嘅歌曲，当晚星期四live band 9:30先开始。讲返野食，整体cp值ok，有返咁上下质素又唔算贵。龙虾包配龙虾汤 $138🦞调味几香，龙虾肉亦塞满晒成个包，如果个包稍微再烘一烘一定会更好食。另外配搭上龙虾汤作为点缀😳黑安格斯西冷扒300g $238叫咗5成熟，切好咁上碟，肉眼睇都知熟度pink得啱啱好，西冷一般重牛味带小小𡁻口，配上嘅酱汁都唔简单，据说是熬煮好一段时间而成，再加上几有诚意嘅sides☺️番茄带子意粉$168意粉嘅质地煮得啱啱好，弹牙有嚼劲，亦能完美地吸附番茄酱微甜微酸嘅风味。带子鲜美和口感软嫩合格水准。