龍圖閣海鮮飯店

营业中

休息中

今日放工同屋企人去左尖沙咀龙图阁中菜馆食晚餐。近尖东，尖沙咀地铁站行过嚟大约10分钟，唔算好方便，但屋企人想食中菜，呢间又未试过就决定试下。我哋叫咗话梅凉瓜、上汤浸菠菜、琵琶荳付、蜜椒薯仔牛柳粒、笼仔虫草花杞子蒸鸡同埋咸菜胡椒花甲。话梅凉瓜:4.2/5⭐️话梅凉瓜口感清脆，略带酸甜，好开胃。凉瓜入面嘅话梅味道亦都唔会太浓，食落清新爽口，适合夏天食当开胃菜。上汤浸时菜:4.1/5⭐️白菜经过上汤浸煮后，保持住嫩绿色，口感软滑。汤汁鲜甜，正常既家常菜味。琵琶荳付:3.8/5⭐️琵琶荳付先炸后炒，香口入味，同平时食既鱼付差唔多。可一试。蜜椒薯仔牛柳粒:4.3/5⭐️薯仔牛柳粒炒得恰到好处，牛柳粒嫩滑多汁，配合蜜椒酱汁，味道鲜甜，蜜椒带点甜辣味道，增添了菜肴的风味。笼仔虫草花杞子蒸鸡:4.3/5⭐️蒸鸡肉嫩滑，虫草花同杞子提供了独特嘅香气，令整道菜更加香浓。汤汁浓郁，味道啱啱好。唯一美中不足就系个份量比较少，唔多鸡肉，如果再大煲啲就更好。咸菜胡椒花甲:4.2/5⭐️花甲鲜嫩多汁，咸菜同胡椒调味得宜，唔算咸，花甲好大只，劲鲜甜。咸菜嘅酸味同胡椒嘅辣味互相辉映，令菜式更加开胃。