鳳城酒家 (已結業)

佢话呢晚要赶返屋企睇世界杯，所以想简单的食两个小炒，但系附近的食肆食得多都好闷，于是我就同佢来咗呢间酒楼，满足大家的需求。入咗里面，大堂是四四方方的，十分光猛。而食客都差不多坐满，职员都好好尽快揾到个唔驶搭枱的二人位俾我哋。老公今次突然唔点可乐，而是点雪碧。蚬蚧鲜牛肉这个菜是以锅上的，以葱段和姜炒香的，肉片薄薄的，咬落很软熟，仲索咗不少汁，𩠌饭真系好开胃。滑蛋鲜虾仁以中虾混合蛋，加埋青豆来炒香，虾的肉质鲜嫩，加埋香滑的炒蛋，而且青豆增加不少咬口。以上两个小炒加埋两碗白饭，话咁快就食完，仲赶得切开场。