aira

营业中

休息中

平时我嘅御用摄影师咁辛苦帮我拍嘢，今次就等我带佢去食好嘢慰劳下啦🤣 呢间位于尖东嘅隐世居酒屋 🏮 地方位置好方便其实就系尖东站一出 ，系一间商业大厦楼上 竟然有一间咁好食嘅餐厅 🍴装修好似无啦啦去咗兰桂坊咁 🤣🍹🍸🍷而且地方比较隐蔽 ，好适合你自己想私约同朋友食餐饭，但系又唔想同人哋迫 ～ 可以静静地同人哋倾偈，但系又唔会好似兰桂坊咁嘈～听餐厅负责人讲 ，原来佢哋嘅老板本身都系喺兰桂坊有餐厅，之后将一啲古董搬咗过嚟摆，唔怪得知个feel咁似真系去咗兰桂坊啲私人餐厅啦😋 你唔好以为佢系一间普通嘅居酒屋，我发现佢哋嘅食物水准真系拍得住高级酒店！我最欣赏系就系佢嘅 哈哈虾 🦐 估唔到连虾头都食得 😮仲要系咁松脆！仲有佢嘅烧鹅肝配蒜蓉牛奶包，一啲都唔肥腻，但系就好入味，同埋好好食👍🏻至于佢嘅牛骨髓配蒜蓉牛奶包 ，就好适合打卡，最啱同朋友去庆祝食㗎啦 📸 佢嘅白玉善哉竟然系红豆沙配白玉，估唔到喺日本餐厅都会揾到红豆沙咁中式嘅嘢，真系好fusion 🤭 呢间餐厅其实真系fusion 㗎，佢结合咗西餐酒吧 同埋日本餐厅～ 🇯🇵够晒特别，唔系一般普通居酒屋咁简单！