Number 9 Coffee

营业中

休息中

知道尖东新开了间cafe，估唔到系周围都做团客生意嘅尖东都有一间咁隐蔽而又幽静嘅地方，呢日就同朋友嚟支持一下呢间新开小店。餐厅主要系卖意粉、多士及沙律嘅健康轻食，价钱都算合理。我同朋友叫了个墨西哥鸡卷配牛油果酱，另外仲有跟个红菜头沙律，沙律嘅份量都唔少，材料亦新鲜。墨西哥鸡卷食落口感清新，加上蕃茄粒酸酸甜甜为味道加分。另外我地再叫左个烟三文鱼多士share食，面头嘅系烟三文鱼碎，油香味浓郁，配上黑醋食落更开胃。最后当然唔少得要试下呢度嘅咖啡，我叫了杯americano，呢度嘅咖啡豆系少少带酸fruity味较浓嘅一种，但系又唔会有苦涩味，所以唔落糖味道更好。朋友就叫了杯latte，佢话奶味好重口感香滑。最后我仲同朋友系度用电脑工作了一个下昼，呢道铺面唔大但就系个幽静舒适嘅好地方。