RBTea (已結業)

近排要搞保险，于是每逢Lunch hour，就要揾间唔太嘈又坐得舒服既餐厅 (当然，唔贵就更佳)，等个agent讲得舒服，我又听得清楚。经过新文华中心，见到开左间新餐厅叫RBTea，装修简单雅致，而且座位舒适，就拣呢间。午市套餐，虽然有唔少选择，但有不少都系cream sauce，我个胃唔受得，所以保守D，都系拣个焗番茄猪扒饭($62)。等左起码半个钟，个焗饭终于到 (餐厅明显唔够人手)。猪扒系炸过既，然后再同其他蔬菜配料：洋葱、番茄等等同焗。调味系OK既，但个饭底就湿左D，腍bat bat，猪扒唔嚡亦唔滑，不过不失。饮品我拣左热青柠绿茶，真系酸到盲公都开眼，我谂如果系冻饮加冰既话，应该好D。总括黎讲，$62一个午餐，算系咁，久唔久一次都OK。