牛爸

营业中

休息中

系尖沙咀行到好攰，谂住快手食个饭就翻屋企，行行下发现musea foodcourt啲餐厅好似全部转晒，见到呢间食铁板牛就决定试下。Menu有6款铁板肉，2款煮嘅牛肉。我地两个一心食铁板牛，就叫咗1份铁板肉眼，蒜蓉汁配薯条 ; 另一个铁板杂扒，黑椒汁配薯条。铁板肉眼 肉眼扒上到铁板都几吸引算大块，叫咗5成熟，肉质有小小韧，但近筋位嘅肉就好啲腍啲。蒜蓉汁好浓，仲有啲细细粒嘅蒜增强个味。铁板杂扒讲真个杂扒系有小小失望，首先以为份量会好大，啲扒会齐猪鸡牛，点知啲扒细块过块肉眼，而且只系得猪、牛、一只鸡全翼同一条肠仔。猪扒肉质还好，但块牛应该系平价货同埋用粉那得好劲，鸡翼同肠仔都好食嘅。以系尖东贵价商场嘅foodcourt，呢个价钱算接受到，但食翻铁板牛扒(肉眼/西冷/牛柳/T骨)比较安全，如果好饿配饭或意粉都够饱。第二样系佢餐冇包饮品，另加汽水要$20。