一盛極牛 (已結業)

上回试过油花四溅嘅火焰和牛, 今次专诚嚟试和牛刺身拉面。极牛拉面 和牛刺身 (三份) $188 今次肉量拣咗三份, 大约有8片。酱油浓度同拉面硬度均有3个程度, 可按个人口味选择。普通浓度 & 硬度就最啱我口味。话明系和牛刺身, 冇花冇假真系红卜卜嘅生牛肉, 和牛刺身比火焰和牛薄一点, 其实只要浸一浸热汤就已经变成半熟。 虽然和牛刺身油份不及火焰和牛澎湃, 但肉质较为柔软嫩滑, 牛味同样香浓。唔好忘记桌上仲有香脆蒜片、七味粉、 芝麻同麻油等调味料, 能够为整碗拉面提味不少。