影片
更多
2024-11-27
806 浏览
屋企人话想食片皮鸭，之前试过几间，但系都冇试过羲和雅苑，于是乎就带屋企人嚟试吓。啲嘢食嘅份量其实比想像中大份，而且望住个海景都真系好写意，咁啱有间房仔倾计大声啲都唔怕。‣ 驰名烤鸭 $388‼️超级推荐‼️分咗三个部份，有三种食法，我都系第一次试鸭皮再加爆炸糖，冇谂过个效果都几过瘾。但系我最欣赏系佢嘅秘制芥末酱，带到芥末酱嘅辣，但系又会有丝丝嘅甜味。而啲饼皮都好薄，唔会话好厚身，鸭真系必食，呢个价钱算系咁。‣ 芥末沙律虾球 $178‼️超级推荐‼️本身对虾球冇话好大期望，结果食落口嘅时候发觉啲虾好弹牙，炸得脆卜卜啱啱好，而佢嘅芥末酱同黄芥末有啲唔同，因为主要系沙律酱做底，所以相对上比较甜，但系搭配虾球真系啱啱好。‣ 砖炉叉烧 $228叉烧真系超级大份，系我冇想像过嘅份量，所以收得贵都觉得理解。叉烧肥瘦相当均匀，呢道菜式嚟讲真系肉质取胜。蜜汁又啱啱好，唔会话太过甜而影响咗叉烧嘅风味，如果多啲人嚟食嘅话应该会好满足，两个人就真系超级饱。‣ 一品赛蟹黄 $148每一啖都食得出蛋白嘅嫩滑，香浓嘅调味都会明白点解佢叫做赛蟹黄，我几钟意佢底下收埋嘅馒头，搭配一齐食都几过瘾。‣ 京式小笼包 $68小笼包呢个
‣ 驰名烤鸭 $388
‼️超级推荐‼️分咗三个部份，有三种食法，我都系第一次试鸭皮再加爆炸糖，冇谂过个效果都几过瘾。但系我最欣赏系佢嘅秘制芥末酱，带到芥末酱嘅辣，但系又会有丝丝嘅甜味。而啲饼皮都好薄，唔会话好厚身，鸭真系必食，呢个价钱算系咁。
‣ 芥末沙律虾球 $178
‼️超级推荐‼️本身对虾球冇话好大期望，结果食落口嘅时候发觉啲虾好弹牙，炸得脆卜卜啱啱好，而佢嘅芥末酱同黄芥末有啲唔同，因为主要系沙律酱做底，所以相对上比较甜，但系搭配虾球真系啱啱好。
‣ 砖炉叉烧 $228
叉烧真系超级大份，系我冇想像过嘅份量，所以收得贵都觉得理解。叉烧肥瘦相当均匀，呢道菜式嚟讲真系肉质取胜。蜜汁又啱啱好，唔会话太过甜而影响咗叉烧嘅风味，如果多啲人嚟食嘅话应该会好满足，两个人就真系超级饱。
‣ 一品赛蟹黄 $148
每一啖都食得出蛋白嘅嫩滑，香浓嘅调味都会明白点解佢叫做赛蟹黄，我几钟意佢底下收埋嘅馒头，搭配一齐食都几过瘾。
‣ 京式小笼包 $68
小笼包呢个价钱都算系咁，话晒都系海边景，虽然未至于会觉得好惊喜，但系啲皮都确实系薄身，食嘅时候啲汤汁都爆出嚟，我都几满意。
‣ 椰香紫米露 $68
传统中式甜品一定唔少得椰汁紫米露，唔会好甜所以食落都几舒服，加埋茶一齐饮个感觉啱啱好，而且仲有紫米嘅嚼劲。
‣ 杨枝甘露 $68
我又几钟意杨枝甘露嘅甜，觉得真系甜而不腻，啱啱好。虽然就咁望落好似唔系好大份，不过食到咁上下已经好饱，有个酸酸甜甜嘅可以帮手解腻都好唔错。
张贴
