港晶軒

营业中

休息中

五一长假期前成九点几先收工，冇乜地方去，老婆话口淡淡想食下海鲜。咁啱听同事介绍尖沙咀港晶中心港晶轩出咗啲几抵食嘅海鲜套餐，最啱两三个人。去到睇咗menu咁梗系点鲍鱼、星班仔加埋桶蚝𠮶个套餐啦，$600蚊唔使两、三个人食啱啱好。首先讲下豉汁蒸鲍鱼，落咗啲几香口嘅果皮喺面，加埋只鲍鱼够新鲜，入口真系好弹牙。到咗升班仔虽然唔系好大条我谂都有一斤过外，都系𠮶句条语新鲜，冇得输。最后个套餐有桶蚝我哋点咗豉油王炒，口感都系唔错嘅，值得推介。另外再点咗片皮鸭二食，估唔到烧鸭系有心机以现切既方法上菜，真系诚意十足。再做咗肉碎加生菜包，最后送埋甜品，两三个人真系满足晒。最后特别要提一提，虽然比较夜至上座，但由经理、侍应去到上菜嘅服务态度，都绝对值得嘉许。今时今日咁嘅服务态度，就一定有回头客啦。