龍圖閣海鮮飯店

营业中

休息中

朋友话想食下中餐，就约左去尖沙咀龙图阁海鲜饭店食饭，贪呢度位置够中间，无论系九龙同香港区做嘢都唔会太远，够晒方便。咕噜肉成日都食，但冰镇咕噜肉就比较少见，冰镇嘅咕噜肉外层好脆，酸酸甜甜，配上鲜甜洋葱青椒，仲有不少生果。用生面炒成嘅豉油皇炒面好有镬气，爽口弹牙，而且唔觉得好油腻。淮山百合炒胜瓜，淮山爽口，配上鲜甜的百合健康之选。沙姜焗鸡热辣辣成煲上，未食已经闻到香味，个鸡都几嫩滑，而且够晒入味。咸菜胡椒花甲，咸菜配上肥美鲜甜的花甲原来都几夹，粉丝吸收晒D味更好食。