龍百味小廚

营业中

休息中

喺尖沙咀做完嘢已经八点，最想就极速返屋企休息，经过金马伦道一间小厨～龙百味.小厨店内好光猛吸引咗我，店内人头涌涌可堂食亦可外卖，我就买外卖尽快返屋企。𩠌菜排列清洁整齐分门别类，价钱清晰以每款小菜计算，睇见样样都想食最后拣咗几样。陈年黑醋骨，酸甜适中浓而不腻，排骨松软又入味。红烧肉，睇见啲肥猪肉就流晒口水，肉香四溢滑嘟嘟，正到不得了。韭黄虾仁炒滑蛋，韭黄香虾仁新鲜弹牙，滑蛋味浓。罗汉斋有大豆芽，茄子，粟米仔等，清新爽口。鲜茄牛肉炒蛋，酸酸甜甜牛肉松软有味，非常醒胃。各样𩠌菜都热辣辣，半个钟返屋企后仲系热，价钱合理味道好。